Ons gemeente het ‘n aktiewe gebedsbediening, wat in uitvoering van Paulus se opdrag aan die gemeente in Efese “gedurig bid vir al die gelowiges”, ons gemeenskap, ons familie, vriende, vyande en soekers regoor die wêreld en veral…vir jou!

Hierdie is ‘n ope uitnodiging aan almal wat deel wil wees van hierdie bediening.

GEBEDSBEDIENING BYEENKOMSTE:

• Sondae-oggende voor die erediens vanaf 09:15 in die gebedskamer: Almal wie wil, kan kom saam bid
• Sondae-oggende na die erediens in die gebedskamer om te bid vir wie ookal ‘n behoefte het aan gebed
  

Ons bid elke 2de Donderdag van 6:30-7:30 nm by iemand se huis wat dit aanbied. Dit is ook ‘n geleentheid om te getuig van God se wonderlike liefde en versorging. Elkeen bid en getuig soos die Gees lei – geen verpligting hoegenaamd nie. Ons het nie spesiale talente nie, maar die Heilige Gees pleit namens ons by God.

Kontak ons indien jy ‘n behoefte aan gebed het. Jou versoek sal met absolute vertroulikheid hanteer word. “Want waar twee of drie in My Naam saam is, daar is Ek by hulle.” (Matt. 18:20)